Польшча плануе падвоіць колькасць войска

• 25.02.2026, 19:31

Да 500 тысяч чалавек.

Польшчы трэба павялічыць колькасць войска да 500 тыс. чалавек. Пра гэта паведаміў міністр абароны краіны Уладзіслаў Касіняк-Камыш, перадае тэлеканал TVP Info.

«Войска колькасцю ў паўмільёна чалавек — гэта стратэгічная мэта на некалькі гадоў, якую мы будзем рэалізоўваць», — сказаў ён.

Кіраўнік Мінабароны адзначыў, што гаворка ідзе як пра прафесійнае войска, так і пра войскі тэрытарыяльнай абароны.

Паводле афіцыйных даных, цяпер колькасць войска Польшчы складае 218 тысяч чалавек.