Залужны ўзначальвае рэйтынг даверу ўкраінцаў

• 25.02.2026, 21:36

Апытанне.

Надзвычайны і паўнамоцны пасол Украіны ў Вялікабрытаніі, былы галоўнакамандуючы Узброеных Сіл Украіны Валерый Залужны ўзначальвае рэйтынг даверу ўкраінцаў да публічных асобаў.

Пра гэта сведчаць вынікі сацыялагічнага даследавання, праведзенага міжнароднай даследчай кампаніяй Ipsos.

З паказчыкам 63% лідарам даверу сярод публічных асобаў стаў Залужны.

На другім месцы — баксёр Аляксандр Усік — яму давяраюць 56% апытаных.

На трэцім месцы апынуўся кіраўнік Офіса прэзідэнта Украіны Кірыл Буданаў з паказчыкам даверу 55%.

Прэзідэнт Уладзімір Зяленскі займае чацвёртае месца — яму давяраюць 49% апытаных, не давяраюць 38%.

29% лічаць, што краіна рухаецца ў правільным кірунку, 37% лічаць, што краіна рухаецца ў няправільным кірунку, астатнія 34% не вызначыліся.

Акрамя таго, аўтары даследавання адзначаюць, што ўрадавые перастановы не апраўдалі надзей на аднаўленне даверу: негатыўнае стаўленне выказалі 45% грамадзян, тады як станоўчае — толькі 32%.

У межах даследавання было апытана 2003 грамадзянаў Украіны выбарчага ўзросту (18 гадоў і старэй), якія пражываюць на падкантрольных ураду тэрыторыях Украіны.