Лукашэнка тэрмінова выляцеў у Маскву

• 26.02.2026, 9:39

У Крамлі жадаюць абмеркаваць сем пунктаў «парадку дня».

Аляксандр Лукашэнка накіраваўся ў Расію для ўдзелу ў пасяджэнні «вышэйшага дзяржаўнага савета саюзнай дзяржавы Беларусі і Расіі».

Як паведамляе прэс-служба дыктатара, у парадку дня пасяджэння сем пунктаў, якія датычацца пытанняў двухбаковага «інтэграцыйнага ўзаемадзеяння».

У прыватнасці, будуць абмяркоўвацца арганізацыя трансгранічнага прыгараднага пасажырскага паведамлення, стварэнне «камітэта па стандартызацыі і якасці саюзнай дзяржавы», а таксама ўзаемная падтрымка ў супрацоўніцтве ў галіне міжнароднага правасуддзя.