Ці чакае беларусаў скарочаны дзень перад 8 сакавіка

• 26.02.2026, 11:41

Сёлета Міжнародны жаночы дзень прыпадае на нядзелю.

Міністэрства працы і сацыяльнай абароны Беларусі паведаміла, ці будзе скарочаны працоўны дзень 6 сакавіка перад Днём жанчын.

У ведамстве патлумачылі, што для беларусаў, якія працуюць пяць дзён на тыдзень, скарочанага працоўнага дня (ідзе гаворка пра 6 сакавіка) не будзе. Уся справа ў тым, што свята ў 2026 годзе прыпадае на нядзелю. А правіла дзейнічае толькі для дзён, якія папярэднічаюць святочным.

У Мінпрацы таксама дадалі, што для супрацоўнікаў з шасцідзённым працоўным тыднем праца ў суботу, 7 сакавіка, будзе скарочана на адну гадзіну.