Школьніца са Смаргоні выпіла пачак парацэтамолу, каб прапусціць кантрольную

• 26.02.2026, 12:18

Яе забралі ў рэанімацыю.

14-гадовая дзяўчынка са Смаргоні, знаходзячыся дома, за адзін раз выпіла больш за 20 таблетак парацэтамолу. Пасля гэтага яна адчула млоснасць і галавакружэнне. Маці школьніцы адразу ж выклікала хуткую дапамогу. Падрабязнасцямі здарэння падзяліўся Дзяржаўны камітэт судовых экспертыз.

Паводле заключэння эксперта, у дзяўчынкі дыягнаставілі медыкаментознае атручванне. Яе змясцілі ў рэанімацыю. Як пазней сама школьніца расказала праваахоўнікам, таблеткі яна прыняла, каб наўмысна пагоршыць свой стан і прапусціць кантрольную.

На дадзены момант здароўю дзяўчынкі нічога не пагражае, яе ўжо выпісалі з бальніцы.