Беларусь скупляе расійскія агуркі

• 26.02.2026, 12:54

У нашай краіне дэфіцыт гэтай гародніны.

У 2025 годзе Беларусь стала галоўным пакупніком расійскіх агуркоў. Пра гэта паведамляюць расійскія інфармагенцтвы са спасылкай на Расельгаснагляд.

У мінулым годзе Расія экспартавала 24,5 тыс. тоннаў агуркоў. На долю Беларусі прыпала з гэтага экспарту 17,1 тыс. тоннаў агуркоў. Другое месца заняў Казахстан — 5,5 тыс. тоннаў агуркоў.

Дарэчы, некалькі гадоў таму ў Беларусі была прынятая праграма па забеспячэнні краіны агуркамі і таматамі ў міжсезонне. Аднак праблемы з гэтай прадукцыяй узнікаюць перыядычна.