Украінскі спецназ зайшоў у варожы тыл і зладзіў акупантам «выбуховую» засаду

• 26.02.2026, 17:57

Паспяховую аперацыю паказалі на відэа.

На Паўночна-Слабажанскім напрамку байцы Сіл спецыяльных аперацый ЗСУ зайшлі ў варожы тыл, заклалі выбухоўку і падарвалі маршрут інфільтрацыі расійскіх акупантаў.

Пра гэта паведамляе ў Facebook Камандаванне ССА.

Як паведамляецца, спецыяльныя дзеянні правяло адно з падраздзяленняў Сіл спецыяльных аперацый на Паўночна-Слабажанскім напрамку.

Аэравыведка выявіла варожы маршрут з пунктамі назапашвання.

Паводле «METT-TC» было прынята рашэнне, што правядзенне класічнай засады нясе падвышаную рызыку для групы спецыяльнага прызначэння.

Натамест аператары ССА інфільтраваліся ў варожы тыл, заклалі выбухоўку ў месцах назапашвання і бяспечна эксфільтраваліся.

Вынік — знішчэнне ворага і пераразанне яго маршруту ўцёкаў на дадзеным участку фронту.