Дуэйн Джонсан назваў гэтую падзею «другім прыходам Стівена Спілберга»

• 26.02.2026, 18:08

Акцёр высока ацаніў працу рэжысёра Брэда Пэйтана.

Пасля выхаду фільма «Крушыльнік» многія чакалі, што Дуэйн Джонсан, чыя акцёрская кар’ера пачалася 25 гадоў таму з фільма «Мумія», упершыню атрымае намінацыю на прэмію «Оскар». Хаця сам акцёр гэтага не прызнае, здаецца, адсутнасць прызнання Акадэміі стала для яго расчараваннем, піша Far Out Magazine (пераклад — сайт Charter97.org).

Тым не менш Джонсан даўно замацаваўся ў індустрыі як самы высокааплатны акцёр 2024 года, зарабіўшы $88 млн на паспяховых, але ў асноўным камерцыйных франшызах — ад «Джуманджы» да «Фарсажу» і «Рэмпэйджа». Гэтыя праекты рэдка прэтэндавалі на мастацкую глыбіню, і паміж акцёрам і гледачом даўно ўсталявалася негалосная дамоўленасць — гэта забавы, а не прэстыжнае кіно.

Аднак менавіта «Рэмпэйдж» натхніў Джонсана на гучную заяву пра рэжысёра Брэда Пэйтана. Паводле слоў акцёра, гэта яго «вельмі амбіцыйны» калега, з якім ён любіць працаваць: «Я прыйшоў са спорту і люблю, калі мяне накіроўваюць і падштурхоўваюць. Мала хто з рэжысёраў гатовы да гэтага».

Джонсан дадаў, што Пэйтан падзяляе яго імкненне ствараць фільмы, якія «застаўляюць гледачоў выходзіць з кінатэатра ў паднятым настроі».

Каб падкрэсліць маштаб рэжысёра, акцёр нават згадаў уздзеянне <�и>Стівена Спілберга, адзначыўшы, што Пэйтана натхняюць такія фільмы.