Афганістан назваў першыя вынікі аперацыі супраць Пакістана

• 27.02.2026, 6:16

Талібы адрапартавалі пра захоп 19 памежных пастоў.

Намеснік афіцыйнага прадстаўніка афганскага ўрада Хамдулла Фітрат заявіў, што сілы Афганістана захапілі адну базу і 19 кантрольна-прапускных пастоў Пакістана ўздоўж мяжы, перадае Tolo News у X. Паводле яго даных, забіта 55 пакістанскіх вайскоўцаў.

Раней прадстаўнік «Талібану» Забіулла Муджахід заявіў, што афганскія вайскоўцы захапілі 15 пастоў, якія належаць Пакістану, і адзначыў, што ў выніку аперацыі была забіта «вялікая колькасць» пакістанскіх салдат, некаторыя ўзяты ў палон.

Да гэтага крыніцы паведамлялі афганскаму тэлеканалу пра захоп 20 пастоў Пакістана сіламі «Талібану». Крыніца ў Узброеных сілах Афганістана паведаміла тэлеканалу Al Jazeera, што былі забіты 10 пакістанскіх салдат і захоплены 13 аванпастоў.

Пакістанскі тэлеканал Geo News піша са спасылкай на крыніцы ў сілавых структурах, што спробы талібаў атакаваць блокпасты пакістанскіх сіл бяспекі з дапамогай квадракоптараў «праваліліся», а ўсе квадракоптары былі збіты. У службах бяспекі таксама паведамілі, што 44 вайскоўцы Афганістана былі забітыя ўздоўж пакістанска-афганскай мяжы пасля «нясправакаваных трансгранічных нападаў на пакістанскія пазіцыі».

Tolo News піша, што пакістанскія сілы цяпер наносяць удары па грамадзянскіх раёнах у Данд-Ав-Патан у правінцыі Пакція на ўсходзе Афганістана, і многія сем’і вымушаныя пакідаць свае дамы.