Дзесяць «Фламінга» цяпер атакуюць аб’екты ў РФ

• 27.02.2026, 14:20

Абвешчана ракетная небяспека.

У Расіі заявілі пра ракетную трывогу адразу ў некалькіх рэгіёнах пасля паведамленняў пра магчымыя пускі ракет тыпу «Фламінга», піша «Дыялог.UA».

Паводле даных украінскіх маніторынгавых рэсурсаў, можа ісці гаворка прыкладна пра дзесяць ракет, аднак гэтыя ацэнкі застаюцца вельмі прыблізнымі і не пацверджаныя афіцыйнымі крыніцамі.

Так, у Пермскім краі 27 лютага ўлады афіцыйна абвясцілі рэжым «ракетнай небяспекі». Мясцовыя адміністрацыі паведамілі, што жыхарам варта паклапаціцца пра ўласную бяспеку і сачыць за афіцыйнымі паведамленнямі.

Інфармацыя пра «Фламінга» распаўсюджваецца пераважна праз расійскія першакрыніцы, таму яе дакладнасць выклікае сумневы.

Тым не менш сам факт абвяшчэння ракетнай трывогі ў шэрагу рэгіёнаў Расійскай Федэрацыі фактычна пацвярджае масіраваную атаку.