Заўтра ў Беларусі будзе да +14

• 27.02.2026, 18:45

Але толькі ў некаторых абласцях краіны.

У суботу, 28 лютага, ў Беларусі прагназуецца пераменная воблачнасць, паведамляе Белгідрамет.

Будзе пераважна без ападкаў. Уначы і раніцай месцамі чакаюцца слабы туман і галалёд. На асобных участках дарог — галалёдзіца. Вецер будзе паўднёвы, паўднёва-заходні, умераны, уначы месцамі — парывісты.

Тэрмометры ўначы пакажуць ад -4 да +2 градусаў. Удзень прагназуецца ад 2 градусаў цяпла на ўсходзе да 14 градусаў вышэй за нуль на паўднёвым захадзе Беларусі.

У нядзелю, 1 сакавіка, таксама чакаецца пераменная воблачнасць. Будзе пераважна без ападкаў, толькі раніцай і днём месцамі на паўночным захадзе краіны пройдуць невялікія кароткачасовыя ападкі — пераважна дождж. У асобных раёнах будзе згушчацца слабы туман. Уначы і раніцай месцамі чакаецца слабы галалёд, на дарогах — галалёдзіца. Вецер будзе паўднёва-заходні, заходні, умераны.

Тэмпература паветра ўначы складзе ад -4 да +3 градусаў, на паўднёвым усходзе краіны будзе да 6 градусаў марозу. Удзень прагназуецца 2–9 градусаў вышэй за нуль, на захадзе і поўдні Беларусі чакаецца 10–13 градусаў цяпла.