Аэрапорты Дубая прыпынілі працу на нявызначаны тэрмін

• 28.02.2026, 16:27

На тле ўдару ЗША і Ізраіля па Іране.

На тле ўдару ЗША і Ізраіля па Іране і выбухаў у ААЭ усе рэйсы ў Dubai International (DXB) і Dubai World Central — Al Maktoum International (DWC) прыпыненыя да далейшага паведамлення.

Пра гэта паведамляецца на сайце Dubai Airports у суботу, 28 лютага.

У паведамленні сказана, што пасажырам не варта прыязджаць у аэрапорт. Рэкамендуецца звязацца наўпрост з авіякампаніяй для атрымання апошняй інфармацыі пра рэйсы.

«Мы ўважліва сочым за сітуацыяй і будзем прадастаўляць дадатковую інфармацыю, як толькі яна стане даступная», — гаворыцца ў заяве.

28 лютага Ізраіль нанёс прэвентыўны ўдар па Іране, заявіў міністр абароны краіны Ісраэль Кац. Таксама прэзідэнт ЗША Дональд Трамп пацвердзіў пачатак «маштабных баявых дзеянняў» і заклікаў Корпус вартаўнікоў Ісламскай рэвалюцыі скласці зброю.