Расійскія салдаты страляюць адзін у аднаго з-за масавага збою Starlink

• 6.02.2026, 9:34

Кіраванне войскамі паралізавана.

У шэрагах Узброеных сіл Расіі фіксуецца масавы збой працы тэрміналаў Starlink, з-за чаго кіраванне войскамі было паралізавана і ўзніклі выпадкі «сяброўскага агню».

Пра гэта паведамляе Telegram партызанскага руху «АТЕШ».

«Нашы крыніцы з 122-га мотастралковага палка (Купянскі напрамак) і 1152-га палка (Запарожскі напрамак) паведамляюць пра аднолькавую карціну — кіраванне войскамі фактычна паралізавана», — гаворыцца ў публікацыі.

Паколькі ў падраздзяленнях РФ амаль поўная адмова ў працы тэрміналаў Starlink, расійскія сувязісты ў адчаі. У прыватнасці:

спробы разгарнуць рэзервовыя каналы сувязі правальваюцца адна за адной;

штатныя сродкі РЭБ рэгулярна глушаць у тым ліку ўласныя рацыі.

«Без устойлівай сувязі на перадавой пачынаецца хаос. Адсутнасць каардынацыі ўжо прыводзіць да цяжкіх страт — і не толькі ад праціўніка», — пішуць у «АТЕШ».

Так, на Запарожскім напрамку з-за поўнага разрыву камунікацый адбыўся «сяброўскі агонь». Расійскія падраздзяленні, не маючы ніякай інфармацыі адно пра аднаго, адкрылі агонь па сваіх. У выніку акупанты самі знішчылі сваю штурмовую групу з 12 чалавек.

«Залежнасць расійскай арміі ад грамадзянскіх тэхналогій спрацавала супраць яе. Як толькі сувязь знікае — кіраванне рассыпаецца, а войскі пачынаюць знішчаць саміх сябе», — падкрэслілі ў партызанскім руху.