Платным паркоўкам Мінска скароталі графік

• 6.02.2026, 10:22

Скароталі на дзве гадзіны.

У Мінску скарэктавалі графік працы платных паркавак у цэнтральных раёнах горада, але саміх платных паркавак у найбліжэйшы час стане больш. У планах аператара сталічных парковак — дадаваць па 8–12 новых платных паркавак кожны квартал. Пры гэтым хутка паабяцалі запусціць спецыяльны мабільны дадатак, які павінен спрасціць кіроўцам працэс аплаты, піша «Телеграф».

Шэраг рашэнняў аб змяненнях у працы платных паркавак на днях былі прыняты на пасяджэнні ў Мінгарвыканкаме. Як патлумачыў генеральны дырэктар ГО «Гаражи, автостоянки и парковки» Андрей Зырянов, графік працы большасці платных паркавак скарацілі на дзве гадзіны. Спаганяць плату за паркоўку, як і раней, пачнуць з 8:00, а вось бясплатная паркоўка будзе пачынацца не з 20:00, як раней, а з 18:00.

Паводле слоў Зырянова, па такім графіку — з 8:00 да 18:00 — будуць працаваць практычна ўсе сталічныя паркоўкі. Выключэнні зрабілі толькі для тэрыторыі Верхняга горада і вуліцы Замкавай.

Акрамя таго, пашырылі зону паркавых абанементаў. Цяпер іх можна аформіць не толькі на адкрытых паркоўках у другой і трэцяй зонах, але і на закрытых паркоўках гэтых зон, а таксама на адкрытай паркоўцы ў першай зоне на вуліцы Замкавай.

Колькасць платных паркавак у Мінску ў гэтым годзе таксама павялічыцца. Як паведаміў дырэктар ГУ «Парковки столицы» Михаил Филиппов, кожны квартал плануецца прырастаць 8–12 новымі платнымі лакацыямі. Найбуйнейшая з іх — паркоўка каля «Чыжоўка-Арэны», на 1,3 тыс. машынамесцаў. У выніку агульная колькасць платных месцаў у Мінску пераваліць за 11 тысяч.