У Беларусі змяняюцца правілы наведвання памежнай зоны

• 6.02.2026, 15:00

Што ў іх новага?

У Беларусі праз паўгода ўступяць у сілу новыя правілы для памежнай зоны. Мэта зменаў — зрабіць мяжу больш бяспечнай, але пры гэтым прасцейшай для тых, хто жыве і працуе побач з ёй, паведамілі ў Дзяржаўным памежным камітэце.

Вось галоўныя навацыі для грамадзян і бізнесу:

у спіс дакументаў, якія дазваляюць знаходзіцца ў памежнай зоне, дадалі пенсійнае пасведчанне, студэнцкі білет, вучнёўскі білет і пасведчанне інваліда;

людзям цяпер можна спакойна накіроўвацца транзітам да месца жыхарства або знаходжання без спецыяльных пропускаў;

продаж квіткоў на транспарт, які накіроўваецца ў населеныя пункты памежнай зоны, больш не патрабуе праверкі пропускаў;

бізнес і жыхары могуць весці дзейнасць на рэках, азёрах і іншых вадаёмах у памежнай зоне (якія цалкам належаць Беларусі) без дазволу памежнікаў.

Гэтыя змены пачнуць дзейнічаць праз шэсць месяцаў пасля апублікавання закона.