«Азоў» узяў у палон 18 расійскіх акупантаў

• 6.02.2026, 16:12

Адзначыўся інтэрнацыянальны батальён.

Інтэрнацыянальны батальён 12-й брыгады «Азова» ўзяў у палон 18 расійскіх акупантаў на працягу 24 гадзін на Добрапольскім накірунку.

Пра гэта паведаміла 12-я брыгада «Азоў» у пятніцу, 6 лютага.

Расіяне доўгі час хаваліся ў падвалах і ўмацаваных пазіцыях у межах вёскі Залаты Калодзеж на Добрапольскім накірунку, спрабуючы ўтрымаць кантроль над населеным пунктам.

У «Азове» адзначылі, што для канчатковай ліквідацыі варожага супраціву да выканання задачы прыцягнулі байцоў інтэрнацыянальнага батальёна.

Вайскоўцы-замежнікі правялі зачыстку населенага пункта і прымусілі акупантаў скласці зброю.

Пасля здачы ў палон расіянам аказалі неабходную медыцынскую дапамогу. Палонныя расказалі на відэа, што былі здзіўленыя, убачыўшы замежнікаў ва ўкраінскім падраздзяленні.