У кватэры ў Барысаве прагрымеў выбух

• 6.02.2026, 23:10

У МНС паведамілі пра ўспышку газапаветранай сумесі.

Успышка газапаветранай сумесі адбылася ў кватэры на першым паверсе шматпавярховага дома ў Барысаве, паведамілі ў МНС.

Інцыдэнт адбыўся 6 лютага на бульвары Грэчкі.

«Адбылася ўспышка газапаветранай сумесі без наступнага гарэння на першым паверсе шматкватэрнага жылога дома. У выніку інцыдэнту пацярпеў мужчына. Ён шпіталізаваны», — паведамілі ў МНС.

Эвакуацыя жыхароў не праводзілася.