У Беларусі знікне 92-і бензін

• 8.02.2026, 22:29

Названыя тэрміны.

Намеснік генеральнага дырэктара «Беларуснафты» распавёў у інтэрв’ю для партала av.by, чаму лічыць, што ў бліжэйшыя гады ў Беларусі знікне 92-і бензін. Паводле слоў прадстаўніка кіраўніцтва дзяржкампаніі, беларускі бензін адпавядае еўрапейскім нормам «Еўра-5», а беларускія НПЗ (нафтаперапрацоўчыя заводы) кіруюцца менавіта еўрапейскімі тэндэнцыямі, як і спажыўцы.

Паводле прадстаўніка «Беларуснафты», цяпер на рынку краіны самы папулярны — гэта АІ-95-К5. І пры тым, што яшчэ пяць гадоў таму беларусы аддавалі перавагу запраўляцца 92-м, а гэта складала прыблізна 60% усіх продажаў.

Цяпер жа частка 95-га вырасла да 50% па краіне і да 80% у Мінску.

«У цэлым па рэспубліцы 95-га бензіну ўжо прадаецца больш, і гэтая тэндэнцыя ўзмацняецца», — заявілі ў «Беларуснафце».

Такое змяненне пераваг у беларусаў, лічаць у дзяржкампаніі, адпавядае тэндэнцыям і на еўрапейскім рынку, дзе АІ-92 практычна знік з продажу, а еўрапейцы перайшлі на 95-ы.

«Мы, хутчэй за ўсё, таксама прыйдзем да таго, што 92-і бензін паступова сыдзе з рынку Беларусі як асобны від паліва. Думаю, што гэта адбудзецца не раней за 2028 год. І ў гэтым выпадку застануцца 95-ы, 98-ы і 100-ы», — заявіў намеснік генеральнага дырэктара «Беларуснафты» па забеспячэнні вуглевадароднай сыравінай і рэалізацыі прадукцыі.

Дарэчы, на дадзены момант 98-ы бензін у Беларусі выпускаецца толькі на Мазырскім НПЗ. Таксама як і 80% усяго 95-га бензіну, што прадаецца ў краіне.