Памёр епіскап Казімір Вялікаселец — найстарэйшы каталіцкі іерарх Беларусі
- 8.02.2026, 15:40
Яму было 80 гадоў.
8 лютага адышоў у вечнасць епіскап Казімір Вялікаселец, які шмат гадоў служыў Генеральным вікарыем Пінскай дыяцэзіі, паведамляе Katolik.life.
Па інфармацыі вернікаў, раніцай у гэты дзень ён яшчэ служыў нядзельную святую Імшу ў Гомелі, дзе жыў апошнія гады пры касцёле.
Затым яму стала дрэнна, іерарха даставілі ў рэанімацыю, але неўзабаве ён адышоў у вечнасць.
Епіскапу Казіміру было 80 гадоў, свой апошні дзень нараджэння ён адзначаў 5 мая 2025 года. Ён быў найстарэйшым каталіцкім епіскапам Беларусі.