Мінчанкі вырашылі набыць футры па выгаднай цане, але зэканоміць не атрымалася

• 8.02.2026, 17:39

Аб'явы пра распродаж футраў з натуральнага меху яны знайшлі ў сацсетках.

Хоць зіма ўжо падыходзіць да канца, махляры імкнуцца на ёй пажывіцца. У сацсетках яны прапануюць футры па выгаднай цане. На кручок аферыстаў трапілі дзве мінчанкі. Пра тое, чым скончылася іх «ўдалая» купля, піша «Зеркало» са спасылкай на тэлеграм-канал «Міліцыя Мінска».

Абедзве пакупніцы жывуць у цэнтры сталіцы. З заявамі аб махлярстве яны звярнуліся ў Цэнтральнае РУУС Мінска. Паводле слоў жанчын, аб'явы пра распродаж футраў з натуральнага меху яны знайшлі ў сацсетках.

— Абедзве заяўніцы перайшлі для афармлення заказаў у мэсэнджар і на просьбу прадаўца пералічылі ў агульнай складанасці 500 рублёў у якасці перадплаты за тавар, — паведамляе тэлеграм-канал.

З пераказам грошай «прадпрымальнік» паскараў, але як толькі іх атрымаў, перастаў адказваць на паведамленні. Сваіх футраў жанчыны не дачакаліся, але па іх заявах міліцыя ўзбудзіла крымінальныя справы за махлярства.

— Міліцыя нагадвае: не верце вабным прапановам і не рабіце пакупкі ў крамах з сацыяльных сетак, калі ў вас патрабуюць поўную або частковую перадплату, — папярэдзілі ў ведамстве.