Лукашэнка патэлефанаваў Пуціну

• 8.02.2026, 20:17

Дыктатары абмяркоўвалі «саюзную дзяржаву».

Аляксандр Лукашэнка вечарам 8 лютага пагаварыў па тэлефоне з кіраўніком Расіі Уладзімірам Пуціным. Пра гэта паведаміла прэс-служба беларускага дыктатара.

Галоўнай тэмай размовы стала будучае пасяджэнне вышэйшага дзяржаўнага савета «саюзнай дзяржавы». Дыктатары абмеркавалі час і тэрміны яго правядзення, парадак дня і іншыя пытанні падрыхтоўкі будучага мерапрыемства, «на якім будуць разгледжаныя ключавыя аспекты інтэграцыйнага ўзаемадзеяння Беларусі і Расіі», паведаміла прэс-служба Лукашэнкі.

Акрамя таго, бакі абмеркавалі «шэраг актуальных пытанняў беларуска-расійскіх адносін з акцэнтам на рэалізацыю сумесных праектаў», закранулі «і міжнародную тэматыку, развіццё абстаноўкі ў рэгіёне».

У Крамлі пакуль тэлефонную размову не каментавалі.