Большасць немцаў выступае за вялікшую дапамогу Украіне

• 8.02.2026, 23:09

Апытанне.

Большасць грамадзян Германіі выступае за мацнейшую падтрымку Украіны падчас вайны з Расіяй.

Пра гэта сведчаць вынікі апытання інстытута Insa для газеты Bild.

Каля 52% апытаных заявілі, што Захад павінен аказаць больш дапамогі Украіне, калі Расія не пагодзіцца на спыненне агню і мірныя перамовы. 28% немцаў лічаць, што дапамога павінна ўключаць як ваенны, так і фінансавы складнік. 12% апытаных мяркуюць, што дапамога павінна аказвацца ў выглядзе або грошай, або зброі.

У той жа час 35% лічаць, што Германія павінна спыніць падтрымку Украіны, 13% — не адказалі.

Апытанне таксама паказала, што немцы баяцца больш маштабнай вайны: 54% рэспандэнтаў непакояцца, што Расія можа напасці на краіну — чальца НАТА, напрыклад Польшчу або Літву. Аднак гэта прыкладна на восем пунктаў менш, чым у апытанні, праведзеным у верасні мінулага года.