Францыя перадасць Украіне яшчэ адзін радар для SAMP/T

• 9.02.2026, 5:46

Яшчэ адзін радар Парыж адрамантуе.

Францыя прадаставіць Украіне дадатковы радар да зенітна-ракетнага комплексу SAMP/T узамен, пакуль адзін з іх у рамонце.

Пра гэта заявіла міністр Узброеных сіл і па справах ветэранаў Францыі Катрын Вотрэн на брыфінгу ў Кіеве, паведамляе «Укрінформ».

«Мы працуем над гэтым пытаннем, у прыватнасці над рамонтам радара для SAMP/T, і плануем прадаставіць радар узамен, пакуль той у рамонце», — сказала яна.

Міністр дадала, што, улічваючы тое, што наяўнасць радараў для SAMP/T залежыць ад магчымасцяў вытворцы, Францыя засяроджваецца на рамонце наяўнага радара для SAMP/T і ў цэлым на існых комплексах, якія ўжо выкарыстоўваюцца, каб забяспечыць усё неабходнае абслугоўванне і рамонт.

Вотрэн таксама запэўніла, што Францыя кантактуе і супрацоўнічае з вытворцамі, у прыватнасці з кампаніяй MBDA, якая з’яўляецца вытворцам комплексу SAMP/T, па пытаннях ракет для ЗРК.

«Напрыклад, у перыяд з 2024 па 2025 год кампанія здолела ўдвая павялічыць вытворчасць ракет, але мы лічым, што трэба рабіць яшчэ больш, і таму працуем у гэтым напрамку», — распавяла Вотрэн.

Раней прэзідэнт Францыі Эмануэль Макрон заявіў пра магчымасць разгортвання новых сістэм СПА SAMP/T на тэрыторыі Украіны ўжо з 2026 года.