Мінздароўя Беларусі папярэдзіла аб небяспечных лістах у бальніцах і паліклініках

• 9.02.2026, 11:09

Што ўнутры?

Міністэрства аховы здароўя Беларусі папярэдзіла аб небяспечных лістах для бальніц або паліклінік, якія рассылаюць махляры. У ведамстве расказалі, што ўнутры пасланняў, якія могуць атрымаць медыцынскія ўстановы краіны.

Аферысты прадстаўляюцца страхавымі кампаніямі або бальніцамі. У дадатку да ліста яны прыкладаюць файл са шкоднасным праграмным забеспячэннем (ПЗ), мэта якога — нанесці шкоду бальніцам і паліклінікам.

Шкоднаснае ПЗ дае поўны доступ да камп'ютара і ўнутраных сістэм. У лістах змяшчаюцца легенды пра «скаргу пацыента» (пасланне ад страхавой) або тэрміновая просьба прыняць пацыента (ад бальніц).

Правілы бяспекі ад Мінздароўя

У міністэрстве расказалі, як абараніць сябе ад махляроў:

не адкрываць нечаканыя ўкладанні,

правяраць адпраўнікоў праз афіцыйныя каналы,

пры падазрэнні звяртацца да спецыялістаў па кібербяспецы.