Трамп паведаміў пра візіт Сі Цзіньпіна ў ЗША

• 9.02.2026, 13:43

Амерыканскі прэзідэнт распавёў пра дамоўленасці з кітайскім лідарам.

Прэзідэнт ЗША Дональд Трамп заявіў, што прыме кітайскага лідэра Сі Цзіньпіна у Белым доме напрыканцы гэтага года. Пра гэта ён сказаў у інтэрв'ю тэлеканалу NBC News, апублікаваным 8 лютага.

У той жа дзень яны з Сі Цзіньпінам правялі шырокую размову пра эканоміку і адносіны паміж краінамі. Паводле слоў амерыканскага прэзідэнта, размова была «выдатнай», і абодва лідары разумеюць, што так і павінна працягвацца.

Трамп плануе наведаць Кітай у красавіку, пасля чаго Сі Цзіньпін паедзе ў ЗША.

«Так, ён прыедзе ў Белы дом бліжэй да канца года», — сказаў Трамп.

Ён падкрэсліў, што ЗША і Кітай — дзве наймагутнейшыя краіны ў свеце, і ў іх «вельмі добрыя адносіны».