Польшча не адкрые «Кузніцу» для грузавога руху з Беларуссю

• 9.02.2026, 15:24

Рашэнне звязваюць з пытаннямі бяспекі і інфраструктуры.

Польшча пакуль не плануе адкрываць пункт пропуску «Кузніца» на мяжы з Беларуссю для руху грузавых аўтамабіляў. Пра гэта паведаміў кіраўнік МУСіА Марцін Кервіньскі, піша MOST.

На прэс-канферэнцыі 6 лютага, адказваючы на пытанне Polsat, Кервіньскі адзначыў, што пытанне руху на мяжы з Беларуссю пастаянна адсочваецца.

«Калі ўсе пытанні з боку бяспекі і з боку Міністэрства інфраструктуры дазволяць адкрыць новы функцыянал <�…>, то будзем прымаць такія рашэнні. Зараз гэтага ў планах няма», — сказаў міністр.

Нагадаем, 17 лістапада 2025 года Польшча адкрыла пункты пропуску «Баброўнікі» (з беларускага боку «Бераставіца») і «Кузніца» («Брузгі»). «Баброўнікі» адкрыты для ўсіх відаў аўтамабільнага транспарту, а «Кузніца» запрацавала толькі для легкавога. Паведамлялася, што для грузавых аўтамабіляў і аўтобусаў адкрыць гэты пункт пропуску пакуль немагчыма з-за таго, што не завершаныя дарожныя працы на трасе S19, якая вядзе да памежнага пераходу.

У канцы 2025 года ўвялі ў эксплуатацыю ўчастак хуткаснай дарогі S19 даўжынёй 9,3 кіламетра ад развязкі «Кузніца» да развязкі Сакулка — Поўнач. Але фрагмент двухпалоснай дарогі DK19 ад самога памежнага пераходу да развязкі «Кузніца» тады яшчэ не быў завершаны. Чакалася, што ён павінен быць гатовы ў I квартале 2026 года.

Польшча пакуль не плануе адкрываць «Кузніцу» для грузавікоў

Польшча пакуль не плануе адкрываць пункт пропуску «Кузніца» на мяжы з Беларуссю для руху грузавых аўтамабіляў. Пра гэта паведаміў кіраўнік МУСіА Марцін Кервіньскі. На прэс-канферэнцыі 6 лютага,...