Брэд Піт вернецца да сваёй культавай ролі

• 9.02.2026, 19:17

Акцёр згуляе персанажа з фільма Таранціна ў стужцы «Прыгоды Кліфа Бута».

Амерыканскі акцёр Брэд Піт вернецца да сваёй культавай ролі. Пра гэта паведаміла выданне Independent.

Ён паўторыць аскараносную ролю Кліфа Бута у новым фільме «Прыгоды Кліфа Бута» — працяг стужкі Квентына Таранціна «Аднойчы ў Галівудзе», якая выйшла ў 2019 годзе.

Стрымінгавы сэрвіс Netflix паказаў тызер-трэйлер фільма падчас Супербоўла LX — вырашальнага матча Нацыянальнай футбольнай лігі ЗША сезону 2025 года, які адбыўся 8 лютага 2026 года.

Афіцыйны тызер яшчэ не быў апублікаваны ў сеціве.

Рэжысёрам спін-офа стаў Дэвід Фінчэр, а Квентын Таранціна напісаў яго сцэнар.