На ўчастку вуліцы ў цэнтры Мінска ўвялі аднабаковы рух

• 9.02.2026, 20:55

З 9 лютага.

На ўчастку вуліцы Чырвонай у цэнтры Мінска з 9 лютага ўвялі аднабаковы рух, паведамілі ва УДАІ ГУУС Мінгарвыканкама.

«З мэтай упарадкавання руху і паркоўкі транспартных сродкаў з 9 лютага ўведзены аднабаковы рух па вуліцы Чырвонай на ўчастку ад вуліцы Кісялёва да вуліцы Камуністычнай», — патлумачылі ў ДАІ.

Дзяржаўная аўтаінспекцыя папрасіла ўдзельнікаў дарожнага руху ўлічваць гэтую інфармацыю пры выбары маршруту.