Паляк заваяваў першую медаль Алімпіяды ў культавым для сваёй краіны відзе спорту

• 9.02.2026, 23:15

Сярэбраную медаль заваяваў 19-гадовы спартсмен.

Паляк Кацпер Томасяк заваяваў сярэбраную медаль Алімпійскіх гульняў 2026 у Італіі ў скоках на нармальным трампліне. Яго вынік склаў 270,7 бала.

19-гадовага Томасяка апярэдзіў толькі 25-гадовы нямец Філіп Раймунд. Яго вынік у фінале за два скокі склаў 274,1 бала. Абодва яго скокі сталі найлепшымі па ацэнцы сярод удзельнікаў.

Бронзу паміж сабой падзеляць японец Рэн Нікайда і швейцарац Грэгор Дэшвандэн (у абодвух — 266,0).

Заўважым, што скокі з трампліна — адзін з самых папулярных відаў спорту ў краіне-суседцы Беларусі.