У цэнтры Мінска BMW пратараніў прыпынак

• 1.03.2026, 15:37

ДАІ ўстанаўлівае ўсе абставіны ДТЗ.

У Мінску на вуліцы Якуба Коласа каля дома №9 20-гадовы вадзіцель, не справіўшыся з кіраваннем, наехаў на святлафор і дарожныя знакі, а пасля гэтага ўехаў у агароджу прыпыначнага пункта трамвая.

На шчасце, у выніку сутыкнення пацярпелых няма.

На месца прыбылі супрацоўнікі ДАІ, каб усталяваць усе абставіны ДТЗ. Пакуль іншых падрабязнасцяў няма.

У той жа час Дзяржаўтаінспекцыя заклікала вадзіцеляў улічваць не толькі ПДР, але і дарожную абстаноўку і надвор'е.