Дугін: Пуцін стане наступным пасля Хаменеі

• 1.03.2026, 17:59

Галоўны ідэолаг Крамля выступіў з рэзананснай заявай.

Аляксандр Дугін, які лічыцца ключавым ідэолагам «рускага свету», апублікаваў серыю панічных пастоў у адказ на ліквідацыю рэжыму ў Іране. Ён упэўнены, што наступнай мэтай стане Расія. Сваім меркаваннем Дугін падзяліўся ў асабістым блогу ў Telegram, перадае Dialog.UA.

Пасля паведамлення пра ліквідацыю ў Іране вярхоўнага лідара Алі Хаменеі філосаф напісаў: «Для Расіі прагучаў апошні званок».

Ён прагназуе паўтарэнне іранскага сцэнару для Крамля. «Я лічу, што стратэгія стварэння вобразу, што ў Расіі ўсё ў парадку і мірнае жыццё ідзе сваёй чаргой, сябе вычарпала. Наступныя — мы… У глабальным сэнсе ўсё залежыць ад таго, колькі вытрымае КСІР. Калі Іран устоіць, усё можа пайсці ў зваротны бок. Калі абрынецца, наступныя — мы», — паскардзіўся Z-філосаф.

Ён захапіўся рашучасцю і хуткасцю прэзідэнта ЗША Дональда Трампа, але назваў яго «чыстым злом» за ліквідацыю іранскага рэжыму. Дугін запатрабаваў ад Крамля неадкладнай мілітарызацыі, маштабных кадравых ратацыяў, а таксама мабілізацыі, якіх, паводле яго слоў, расійская ўлада «не хоча рабіць».

Ён таксама заклікаў пераназваць агрэсію супраць Украіны ў «Меч Катэхона», выказаўшы ўпэўненасць, што пасля гэтага «ўсё пойдзе інакш» і РФ нарэшце пачне перамагаць.

Таксама Дугін задаўся пытаннем, што адбудзецца з Расіяй, калі Захад паўторыць сваю аперацыю ў Расіі і ліквідуе Уладзіміра Пуціна. «Ну і, прашу дараваць мне маю нахабнасць, задам відавочнае пытанне. Мы гатовыя да такога сцэнару? У нас ёсць пратакол дзеянняў? У нас ёсць моцная канструкцыя, якая ўтрымае Расію, калі што?» — пацікавіўся Z-філосаф.