Беларусы змогуць убачыць багровы Месяц

• 1.03.2026, 18:30

Калі глядзець на неба?

У ноч на 3 сакавіка адбудзецца першае ў 2026 годзе поўнае месяцовае зацьменне. Жыхары Беларусі змогуць назіраць, як Месяц пафарбуецца ў багровы колер. Пра гэта паведаміў вядучы навуковы супрацоўнік Інстытута касмічных даследаванняў РАН Натан Эйсмонт.

Паводле слоў вучонага, поўнае зацьменне пачнецца а 01:44 паводле мінскага часу. А ўжо а 02:58 на спадарожнік Зямлі ўпадуць першыя сонечныя прамяні. Агульная працягласць поўнай фазы зацьмення складзе 74 хвіліны.

Эйсмонт патлумачыў, што падчас зацьмення паверхня Месяца будзе адбіваць сонечныя прамяні, якія праходзяць праз зямную атмасферу.

«Паколькі атмасфера паглынае блакітную частку спектра, а чырвоную — прапускае, дык Месяц праз гэта і пафарбуецца ў багровыя адценні», — адзначыў ён.

Такім чынам, ранняй раніцай 3 сакавіка неба парадуе відовішчнай астранамічнай з'явай. Галоўнае, каб надвор'е дазволіла яе ўбачыць.