Жанчыне ў мінскім кафэ спатрэбілася дапамога МНС

• 1.03.2026, 19:26

Што з ёй здарылася?

Сур'ёзны інцыдэнт адбыўся з жанчынай у сталічным кафэ, паведамілі ў прэс-службе МНС. Па дапамогу давялося звярнуцца да выратавальнікаў. Праблему вырашылі, але пацярпелую адвезлі ў бальніцу.

У нядзелю, 1 сакавіка, выратавальнікаў выклікалі ў сталічную ўстанову на вуліцы Веры Харужай.

Пацярпелай аказалася работніца кафэ — яе правае перадплечча заціснула паміж валікамі машыны для раскачвання цеста.

Вызваліць руку атрымалася толькі з дапамогай бензарэза і ручнога гідраўлічнага аварыйна-выратавальнага інструмента.

На відэа чуваць узрушаны голас пацярпелай, яе рука выглядае чырвонай і прыпухлай.

Жанчыну гаспіталізавалі.