Кіраўнік элітнага іранскага спецназа працаваў на «Масад»?

• 10.03.2026, 13:28

Што вядома на дадзены момант.

Некаторыя ізраільскія СМІ ужо некалькі дзён распаўсюджваюць паведамленні пра нібыта то смяротнае пакаранне, то рытуальнае (на камеру) самагубства іранскага брыгаднага генерала КСІР Ісмаіла Каані, камандуючага брыгадай «Кудс» («Ерусалім»), прызначанай для правядзення аперацый па-за межамі Ірана. Брыгаду «Кудс» Каані ўзначаліў у 2020 годзе пасля гібелі яе папярэдняга камандуючага, генерала Сулеймані, які быў забіты ў аэрапорце Багдада амерыканскім беспілотнікам.

Спачатку ў шэрагу другарадных ізраільскіх СМІ з'явіліся нічым не пацверджаныя паведамленні пра арышт, а затым і пра пакаранне смерцю Каані нібыта за тое, што ён быў выкрыты як «агент Масада».

З'яўляюцца паведамленні, што менавіта ён перадаў інфармацыю пра месцазнаходжанне аяталы Алі Хаменеі.

Афіцыйны Тэгеран пакуль захоўвае маўчанне: ніякіх пацвярджэнняў арышту або гібелі генерала не паступала. На гэтым фоне інтэрнэт-прастору запаланяюць і зусім фантастычныя версіі — аж да таго, што генерал паспяхова эвакуяваны і ўжо знаходзіцца ў Ізраілі.