Над Беларуссю апынецца вышынная лагчына

• 10.03.2026, 14:22

Пра гэта заявілі сіноптыкі.

На спадарожнікавых здымках над Беларуссю цяпер чыстае неба, у той час як над захадам Польшчы назіраецца воблачнасць з вярчэннем супраць гадзіннікавай стрэлкі. Там фарміруецца вышынны цыклон, які ўдзень будзе назірацца на вышыні 500 гПа (каля 5,5 км). У той жа час пры зямлі, на сіноптычнай карце, мы ўбачым толькі паўночна-заходнюю перыферыю антыцыклону Konrad, піша тэлеграм-канал «Метеовайб».

Ужо заўтра вышынны цыклон спыніць сваё існаванне, але звязаная з ім вышынная лагчына зрушыцца на ўсход і апынецца над Беларуссю. Вуздоўж яе сфармуецца лінія канвергенцыі ці неўстойлівасці (сходжанне паветраных мас) і месцамі пройдуць ападкі.

Удзень, нягледзячы на сціплыя паказчыкі індэксу даступнай канвекцыі CAPE 50–90 Дж/кг (мадэль S4x4), ў асобных раёнах упершыню гэтай вясной пачне развівацца купчастая і купчаста-дажджавая воблачнасць. Але верагоднасць лакальных навальніц пакуль застаецца невялікай.

11 сакавіка ўначы па захадзе, а ўдзень у асобных раёнах пройдуць нязначныя кароткачасовыя дажджы. Вецер паўднёва-заходні, умераны.

Уначы -3..+4°С, халадней на ўсходзе. Удзень +9..+15°С, па паўднёва-захадзе да +18..+19°С.

Мінск: уначы -1..+1°С, а ўдзень +12..+14°С, магчымы нязначны кароткачасовы дождж.

Чарговыя канвектыўныя ападкі будуць магчымыя ў чацвер пад вечар па захадзе і паўночным захадзе краіны ў сувязі з набліжэннем халоднага фронту, які губляе актыўнасць.