Пад забарону ў Беларусі трапіў чарговы БАД

• 10.03.2026, 15:22

Яго вырабляюць у РФ.

Яшчэ адзін БАД цяпер недаступны ў Беларусі, паведамляе Гомельскі абласны цэнтр гігіены, эпідэміялогіі і грамадскага здароўя.

Былі забаронены ўвоз, рэалізацыя, захоўванне, транспартаванне, выкарыстанне біялагічна актыўнай дабаўкі да ежы «Витамин D3 2000 МЕ» вытворчасці ООО «Полярис», Расійская Федэрацыя.

Цікава, што за некалькі тыдняў да гэтага падобны БАД – «Витамин Д3 + 2000 МЕ» (Vitamin D3 + 2000 IU), але ўжо ад вытворцы «Биолит» – таксама трапіў у стоп-ліст.

Звяртаем увагу, што паведамленні пра тое, што некаторыя біялагічна актыўныя дабавкі да ежы забараняюць у Беларусі, сталі часцей з'яўляцца за апошнія некалькі месяцаў.

У спісе Мінздароўя ўжо больш за 10 найменняў, пераважна гэта прадукцыя з Расіі, сустракаюцца і з Турцыі.

Найчасцейшай прычынай забароны аказваецца менавіта перавышэнне нормы тых самых біялагічных дабавак, часам нават у некалькі разоў.