Узброеныя сілы Украіны нанеслі ўдар па заводзе «Крэмній Эл» у суседнім з Беларуссю Бранску

• 10.03.2026, 19:29

Украінскія войскі ўдарылі ракетай Storm Shadow.

Украінскія войскі нанеслі ракетны ўдар па Бранску, пішуць тэлеграм-каналы «Осторожно, новости» і Astra са спасылкай на паведамленні відавочцаў.

Паводле папярэдніх звестак, удар прыйшоўся па адным з буйных прадпрыемстваў у Савецкім раёне горада.

Блізкі да сілавікоў канал Mash сцвярджае, што Узброеныя сілы Украіны ўдарылі ракетай Storm Shadow па адным з заводаў, які спецыялізуецца на вытворчасці мікрасхем для мабільных прылад. Пацярпелі 12 чалавек.

Украінскі маніторынгавы канал Exilenova+ піша, што мэтай атакі быў завод «Крэмній Эл».

Перад выбухам у Бранскай вобласці абвясцілі ракетную небяспеку.