Пуцін паразмаўляў па тэлефоне з прэзідэнтам Ірана

• 10.03.2026, 20:11

Другі раз за тыдзень.

Прэзідэнт Расіі Уладзімір Пуцін правёў тэлефонную размову з прэзідэнтам Ірана Масудам Пезешкіянам, паведамляе прэс-служба Крэмля.

Палітыкі абмеркавалі сітуацыю на Блізкім Усходзе ў сувязі з аперацыяй ЗША і Ізраіля.

«Прэзідэнт Расіі пацвердзіў прынцыповую пазіцыю на карысць як мага хутчэйшай дэскалацыі канфлікту, яго вырашэння палітычнымі сродкамі. Масуд Пезешкіян падзякаваў за падтрымку, якую аказвае Расія, у прыватнасці за прадастаўленне гуманітарнай дапамогі Ірану», — гаворыцца ў паведамленні.

Папярэдні раз Пуцін і Пезешкіян размаўлялі па тэлефоне чатыры дні таму, 6 сакавіка. Тады расійскі прэзідэнт выказаў спачуванні ў сувязі з забойствам вярхоўнага кіраўніка Ірана Алі Хаменеі.