У Мінску перакуліўся аўтапад'ёмнік з рабочым у люльцы

• 10.03.2026, 21:12

Мужчыну шпіталізавалі.

У Мінску насупраць 26-й паліклінікі на вул. Кунцаўшчына перакуліўся аўтапад'ёмнік з рабочым. Мужчыну шпіталізавалі, паведамілі ў Дзяржаўным камітэце судовых экспертыз.

«Сёння ўвечары на вул. Кунцаўшчына ў г. Мінску перакуліўся аўтагідрапад'ёмнік. Рабочы, які знаходзіўся ў люльцы аўтапад'ёмніка, атрымаў цялесныя пашкоджанні», — паведамілі ў ДКСЭ.

Пацярпелага шпіталізавалі, для вызначэння ступені цяжкасці траўмаў будзе прызначаная судова-медыцынская экспертыза.

Судзячы па фота ад ДКСЭ, інцыдэнт з пад'ёмнікам адбыўся насупраць 26-й паліклінікі. На месцы сабраліся цікаўныя.