Кіраўнік Нацбанка Беларусі расказаў пра адмову ад долара

• 10.03.2026, 22:09

Галоўчанка ўбачыў «дэфрагментацыю сусветнага фінансавага рынку».

Старшыня праўлення Нацыянальнага банка Раман Галоўчанка сказаў пра адмову ад долара, паведаміла прэс-служба фінрэгулятара.

Галоўчанка адзначыў, што цяпер у цэлым ва ўсім свеце назіраюцца праблемы з традыцыйнымі фінансамі і правядзеннем плацяжоў. Ён патлумачыў, што гэта выяўляецца, між іншым, і ў усё большай адмове ад выкарыстання даляраў ЗША ў якасці міжнароднага сродку плацяжу.

– Гэта доўгатэрміновыя тэндэнцыі, з якімі краінам давядзецца жыць і працаваць на працягу доўгіх наступных гадоў, – упэўнены ён.

Галоўчанка дапусціў, што ў цэлым сусветную фінансавую сістэму чакаюць сур'ёзныя змены. І нагадаў аб абмеркаванні ў межах БРІКС і іншых аб'яднанняў неабходнасці стварэння ўласнай валюты для разлікаў унутры аб'яднання.

– Мы бачым пэўную дэфрагментацыю сусветнага фінансавага рынку. Нас яшчэ чакае, я думаю, шмат усялякіх цікавых падзей, – расказаў кіраўнік Нацбанка.

Калі казаць непасрэдна пра Беларусь, Галоўчанка адзначыў, што значная частка разлікаў у знешнім гандлі ўжо ажыццяўляецца ў валютах краін-саюзніц: беларускім і расійскім рублях, валютах краін ЕАЭС, кітайскіх юанях.

– У нас партфель валютных актываў вельмі дыверсіфікаваны, – падсумаваў старшыня праўлення Нацбанка.