Армія Ізраіля ліквідавала камандзіра падраздзялення «Хізбаллы»

• 11.03.2026, 2:43

Хасана Саламеха ліквідавалі 8 сакавіка.

Ізраільскія ваенна-паветраныя сілы (ВПС) знішчылі камандзіра падраздзялення «Насер» шыіцкага руху «Хізбалла» ў Ліване. Пра гэта паведаміла Армія абароны Ізраіля (ЦАХАЛ).

«У нядзелю ВПС Ізраіля... ліквідавалі Хасана Саламеха, камандзіра падраздзялення «Насер» руху «Хізбалла», — адзначаецца ў паведамленні.

9 сакавіка афіцыйны прадстаўнік ЦАХАЛ, генерал Эфі Дэфрын, заявіў, што ізраільскія вайскоўцы за час аперацыі супраць «Хізбаллы» атакавалі каля 700 мэт у Ліване. Паводле яго слоў, у Бейруце былі паражаныя больш як 50 мэт, у тым ліку 35 шматпавярховых будынкаў.