Урсула фон дэр Ляен: ЕС рыхтуе варыянты зніжэння цэн на энерганосьбіты

• 11.03.2026, 17:32

Еўропа зробіць памылку, калі вернецца да расійскіх энерганосьбітаў.

Пра гэта заявіла кіраўніца Еўракамісіі Урсула фон дэр Ляен, выступаючы сёння, 11 сакавіка, у Еўрапарламенце.

Еўрапейскі саюз, паводле слоў палітыка, рыхтуе варыянты зніжэння цэн на энерганосьбіты, у прыватнасці, больш эфектыўнае выкарыстанне пагадненняў аб куплі электраэнергіі, меры дзяржаўнай дапамогі і субсідыі або абмежаванні цэн на газ.

«У цяперашняй крызіснай сітуацыі некаторыя лічаць, што нам варта адмовіцца ад нашай доўгатэрміновай стратэгіі і нават вярнуцца да расійскага выкапнёвага паліва. Гэта было б стратэгічнай памылкай», — дадала прэзідэнт Еўракамісіі.

Цэны на нафту зноў упалі ніжэй за $100 за барэль, калі стала вядома, што група G7 разглядае магчымасць выпуску на рынак стратэгічных запасаў нафты, каб змякчыць уплыў імклівага росту цэн на энерганосьбіты.