Украінцы ператварылі замаскіраваны расійскі танк у металалом

• 11.03.2026, 18:44

Тэхніку падбілі ўдарнымі дронамі.

Байцы 77-й асобнай аэрамабільнай Наддняпроўскай брыгады 7-га корпуса хуткага рэагавання ДШВ ЗСУ знішчылі замаскіраваны расійскі танк.

Падчас паветранай разведкі ўкраінскія дэсантнікі выявілі бранятэхніку праціўніка, якую акупанты спрабавалі старанна замаскіраваць. Пасля ўдакладнення каардынатаў мэта была паражаная дакладнымі ўдарамі БПЛА.

Спачатку радыёкіраваныя дроны прабілі праход у сховішчы, пасля чаго беспілотнікі на аптавалакне нанеслі больш дакладныя ўдары па самым танку.

У выніку варожая тэхніка знішчаная.