Беларусы масава не спяць

• 12.03.2026, 2:46

Парушэнні сну выяўлены ў велізарнай колькасці грамадзян.

Вялізарная колькасць беларусаў пакутуе ад бяссоніцы, распавялі ў эфіры СТВ.

Рэгулярна ад 30 да 50% людзей сутыкаюцца з парушэннямі сну.

Бяссоніца можа ўзнікаць з-за стрэсу, эмацыйных перагрузак, парушанага рэжыму дня або быць сімптомам сур'ёзных захворванняў.

Найчасцей на парушэнні сну скардзяцца тыя, хто працуе па ненармаваным графіку.

Хранічны ж недасып вельмі небяспечны — ён павышае рызыку сардэчна-сасудзістых захворванняў, негатыўна ўплывае на эмацыйнае здароўе, памяць, увагу і многае іншае.

«У межах праграмы «Здароўе нацыі» вялікая ўвага надаецца <..> забеспячэнню абсталяваннем, якое можа дыягнаставаць <..> розныя парушэнні сну», — распавяла галоўны навуковы супрацоўнік неўралагічнага аддзела РНПЦ неўралогіі і нейрахірургіі Ірына Мар'енка.

Звычайна, каб паставіць такі дыягназ, выкарыстоўваюць маніторынг сну з дапамогай спецыяльных датчыкаў.

Важна разумець, што з бяссоніцай можна і трэба працаваць — медыкі прапануюць лячэнне.

Яго падбіраюць індывідуальна, і часам немагчыма вырашыць праблему без змянення ладу жыцця. Частa лекары знаходзяць асноўнае захворванне, якое прывяло да праблемаў са сном, тады лячыць прапануюць менавіта яго.

З агульных рэкамендацый — на сон добра ўплываюць рэгулярная фізічная актыўнасць, прагулкі на свежым паветры і захаванне рэжыму дня.