Польшча рыхтуе салдат да вайны дронаў

• 12.03.2026, 16:07

Праграма баявой падрыхтоўкі змененая з-за вайны ва Украіне.

Падчас курсаў салдаты будуць адпрацоўваць выяўленне і нейтралізацыю дронаў з дапамогай штатнай зброі. У праграму дадалі як тэарэтычную падрыхтоўку, так і практычныя стральбы па паветраных мэтах, гаворыцца ў паведамленні Генеральнага штаба Узброеных Сіл Польшчы.

У польскім Генштабе падкрэслілі, што змены звязаныя з ростам ролі беспілотнікаў у сучасных канфліктах і з досведам, які вайскоўцы атрымліваюць, назіраючы за вайной ва Украіне.

Новыя элементы падрыхтоўкі павінны павысіць гатоўнасць арміі да сучасных пагроз на полі бою.