Міністр энергетыкі ЗША: санкцыі супраць расійскай нафты зняты не будуць

• 12.03.2026, 16:23

Вашынгтон робіць крокі для стрымлівання росту цэн на нафту.

Санкцыйная палітыка Вашынгтона ў дачыненні да Расіі не змяняецца, а крокі для стрымлівання цэн на нафтавым рынку ўжо прадпрымаюцца. Пра гэта заявіў міністр энергетыкі ЗША Крыс Райт у эфіры CNN.

«Расія не атрымлівае змякчэння санкцый. Уся гэтая нафта — гэта «нафта на вадзе», якая проста чакае сваёй чаргі на разгрузку ў Кітаі. У выніку ўся яна будзе выгружаная ў КНР… Гэта тыя самыя прагматычныя рашэнні, якія мы выкарыстоўваем, каб перажыць гэтыя некалькі тыдняў дэфіцыту энергарэсурсаў», — сказаў Райт.

Так ён пракаментаваў рашэнне ЗША выдаць Індыі ліцэнзію на закупку расійскай нафты.

Нагадаем, раней Reuters са спасылкай на крыніцы паведаміла, што ЗША разглядаюць магчымасць далейшага змякчэння санкцый у дачыненні да расійскай нафты. Гэта рашэнне патлумачылі імкненнем стабілізаваць цэны на нафту на фоне канфлікту на Блізкім Усходзе. Пазней Румынія і Бангладэш таксама папрасілі Вашынгтон дазволіць працу з расійскай нафтай. Дакка запытвае ліцэнзію, аналагічную індыйскай.