Прэзідэнт Чэхіі абвясціў аб канчатковай адмове ад энергарэсурсаў Расіі

• 12.03.2026, 20:06

Прага не плануе набываць у Масквы энерганосьбіты нават пасля вайны.

Чэхія не будзе закупляць энерганосьбіты ў Расіі, як бы ні склалася сітуацыя, заявіў прэзідэнт краіны Петр Павел, перадае LRT.

Адпаведную заяву Павел зрабіў пасля перамоў з прэзідэнтам Літвы Гітанасам Наўседам у Вільнюсе.

«Мы не будзем разглядаць магчымасць вяртання да расійскай энергіі незалежна ад сітуацыі. Мы знізілі нашу залежнасць ад расійскіх крыніц энергіі. Гэта канчатковае рашэнне, і тэхнічна яго нават немагчыма аднавіць», — сказаў ён.

Паводле слоў чэшскага прэзідэнта, цяпер Прага можа абапірацца толькі на крыніцы энергіі, якія паступаюць з поўдня і захаду. Іх дастаткова для поўнага задавальнення патрэбаў Чэхіі, падкрэсліў Павел.

У красавіку 2025 года Чэхія пачала поўнамаштабную эксплуатацыю павялічаных магутнасцяў нафтаправода TAL (Transalpine Pipeline) для імпарту паліва праз Заходнюю Еўропу. Гэта дазволіла краіне цалкам адмовіцца ад паставак нафты з Расіі. Мадэрнізацыя, праведзеная кампаніяй Mero, цяпер забяспечвае патрэбы чэшскіх НПЗ у аб'ёме да 8 млн т нафты ў год.