Сабаленка выйшла ў паўфінал турніру ў Індзіян-Уэлсе

• 12.03.2026, 23:14

У чвэрцьфінальным паядынку першая ракетка абыграла прадстаўніцу Канады Вікторыю Мбоко.

Беларуская тэнісістка Арына Сабаленка прайшла ў паўфінал турніру катэгорыі WTA 1000 у Індзіян-Уэлсе.

У матчы 1/4 фіналу першая ракетка свету абыграла перспектыўную 19-гадовую канадку Вікторыю Мбоко (№ 10 WTA).

Сустрэча працягвалася 1 гадзіну 50 хвілін і завяршылася з лікам 7:6 (7:0), 6:4.

У паўфінале Арына Сабаленка сустрэнецца з пераможцай пары Лінда Носкава (№ 14 WTA, Чэхія) – Талія Гібсан (№ 112 WTA, Аўстралія).

Нагадаем, што беларуская тэнісістка ні разу не перамагала на турніры ў Індзіян-Уэлсе. Яе найлепшым вынікам на неафіцыйным пятым Шлеме быў выхад у фінал у 2023 і 2025 гадах.