У Грузіі затрымалі беларусаў падчас рэйду супраць нелегальнай міграцыі

• 13.03.2026, 1:34

Іх могуць выдваріць з краіны.

У Грузіі па выніках чарговага рэйду супраць нелегальных мігрантаў затрымалі 31 чалавека — грамадзян Індыі, Турцыі, Узбекістана, Кеніі, Пакістана, Кітая, Беларусі і Казахстана.

«Супрацоўнікі Дэпартамента міграцыі праверылі канкрэтныя лакацыі для выяўлення замежных грамадзян, якія знаходзяцца ў Грузіі без законных падстаў», — паведамілі ў МУС.

На кадрах з месцаў затрыманняў — аб’екты грамадскага харчавання і сумкі кур’ераў.

Замежнікаў даставілі ў цэнтр часовага размяшчэння Дэпартамента міграцыі і пачалі працэдуры па выдварэнні з краіны.

Раней МУС Грузіі паведамляла пра 74 замежнікаў, якіх выдварылі з краіны, сярод якіх былі беларусы.