БПЛА даляцелі да Адыгеі і атакавалі вайсковы аэрадром

• 13.03.2026, 12:00

З'явілася відэа выбухаў у аддаленым ад Украіны рэгіёне РФ.

У ноч на 13 сакавіка дроны атакавалі ваенныя і стратэгічныя аб'екты ў Рэспубліцы Адыгея, якая ўваходзіць у склад РФ. Паводле папярэдняй інфармацыі, пад атаку мог трапіць вайсковы аэрадром «Ханская», піша Диалог.UA пасля аналізу мэсэнджараў і сацсетак.

Кіраўнік Адыгеі Марат Кумпілаў пацвердзіў, што ў ноч на 13 сакавіка дроны атакавалі аб'екты ў гэтым рэгіёне. Паводле яго слоў, расійская СПА ў раёне Майкопа нібыта знішчыла больш за 20 украінскіх БПЛА. Ён сцвярджае, што разбурэнняў няма.

У зводцы Мінабароны РФ гаворыцца, што сёння ўначы над Адыгеяй расійская СПА нібыта збіла 29 украінскіх дронаў, а яшчэ 25 — над тэрыторыяй Краснадарскага краю. Відэа публікуе Telegram-канал Exilenova+.

Жыхары Адыгеі сцвярджаюць, што ў ноч на 13 сакавіка выбухі даносіліся ў раёне станіцы Ханская пад Майкопам, а менавіта там знаходзіцца вайсковы аэрадром, які актыўна выкарыстоўвае армія РФ.

Раней на гэтым аэрадроме дыслакавалася 272-я вучэбная авіяцыйная Полацкая авіяцыйная база 2-га разраду Краснадарскага вышэйшага ваеннага авіяцыйнага вучылішча, таму па ёй наносілі ўдары ЗСУ.

Напрыклад, вайсковы аэрадром пад Майкопам украінскія БПЛА атакоўвалі яшчэ ў кастрычніку 2024 года. 13 сакавіка ЗСУ нанеслі паветраныя ўдары па стратэгічных і ваенных аб'ектах у розных рэгіёнах Расіі.

Напрыклад, украінскія дроны праляцелі каля 1300 км і атакавалі ваенны хімічны завод «Уралхім» у Кіраўскай вобласці. Гэта прадпрыемства выпускае аміячную селітру, якая выкарыстоўваецца пры вытворчасці выбуховых рэчываў, таму з'яўляецца законнай мэтай для ЗСУ.

Раней украінскія дроны атакоўвалі і іншыя стратэгічныя і ваенныя аб'екты ў Адыгеі. Напрыклад, пад удар трапляў мясцовы нафтаперапрацоўчы завод у горадзе Энем.